Kryeministrit Edi Rama iu dha një certifikatë si “Miku i infermierëve”, në Ditën Ndërkombëtare të Infermierëve. Por Rama e refuzoi atë, duke deklaruar para infermierëve se nuk e meriton.
Ai premtoi se certifikatën do ta marrë kur të ketë rritur rrogën e infermierëve me 40%.
“Me lejen tuaj s’dua ta marr certifikatën, refuzoj ta marr sepse s’më takon, por duke qenë se s’doni ta lini në siklet presidenten, certifikatën ta mbajë urdhri dhe unë do e marr pasi rroga të jetë rritur 40%. Se të vij unë këtu për t’u përulur para jush dhe në fund të marr prap unë çmimin.
Unë s’e marr këtë, s’e meritoj. Kjo nuk shkon. Llambën do e marr se do më kujtojë që duhet të shkosh të marrësh certifikatën. Atë do e marr kur të jetë rritur paga e infermierëve 40%.”
