Me anë të një video në median sociale Facebook, kryeministri i Shqipërisë, Edi Rama, ka bërë me dije lajmin se ka filluar investimi i “një prej pikave më të mëdha të Mesdheut për distribucionin e peshkut Ton në të gjithë botën”.
Rama shkruan se ky investim do të zgjasë tre vite dhe do të kushtojë mbi 10 milionë euro.
“Ky investim do të jetë me faza, i shtrirë në tre vjet dhe do të kalojë shifrën e 10 milionë eurove”.
Nga ky projekt do të përfitojë edhe Shqipëria, pasi sipas kryeministrit, vendi ynë do të do të bëhet “një nga vendet kyçe në Mesdhe për ekonominë globale të këtij produkti shumë të kërkuar të detit”.
Ky investim, shkruan kryeministri, përveç se do ta bëjë Shqipërinë një nga vendet distributore më të mëdha në Mesdhe, do të kthehet edhe në destinacion për turistët.
“Ekonomia blu, do të njohë një rritje të re të fuqishme në rrugën e Shqipërisë2030”, mbyll shkrimin e tij Edi Rama
