Mjekët dhe personeli shëndetësor në Durrës, kanë kërkuar që kryeministri Rama të mbajë premtimin dhe t’u japë edhe atyre shpërblimin prej 1 mijë eurosh (500 për infermierët e personelin), pasi edhe ata kanë qenë ne front të parë.
“Për kërkesat që kanë punëtorët për shpërblimet. Këtu nuk kanë marrë ata që duhet, por ata që duan drejtuesit. Drejtoresha nuk na jep as listën kush ka marrë. Në vijën kufitare kam qenë nga 29 janari, bashkë me shokët e mi. Asnjë nga vija e parë në det nuk ka marrë, ka adhur një urdhër nga ministria, nuk ka emra.
Këta nuk e pranojnë. Një urdhër tjetër nuk ka asnjë zbatim nga drejtoresha jonë. Është vetëm për fotografi”-tha Kreu i konfederatës së mjekëve në qarkun Durrës, Zija Alhysa Në të njëjtën linjë qëndron edhe mjeku Nestor Memsuri. “Kemi dalë për mosorganizimin e punës siç duhet. Mos respektimin e etikës, ashtu siç duhet dhe mos vlerësimin e punës sonë. Që nga puna që kemi bërë një faleminderit nuk është thënë, nuk është vetëm pjesa e pagesës, është një e tërë”.
