Në mëse 70 ditë të karantinës dhe masave të forta ndaj koronavirusit, kryeministri Rama ka qenë thuajse një prezencë e përditshme në televizionet shqiptare.
Me këshilla, njoftim vendimesh e më tutje akuza politike e ironi, duket se nga sot kreu i qeverisë ka ndërmend ta lërë mënjanë përdorimin e ERTV-së për koronavirusin. Në rrjetin social, kreu i qeverisë njofton se sot në orën 21:00 do të jetë komunikimi i tij i fundit kushtuar koronavirusit, ose siç e quan ai, ‘armiku i padukshëm’.
“Sonte në 21.00 komunikimi im i fundit kushtuar ekskluzivisht luftës me armikun e padukshëm covid19”- shkruan Rama.
