Kreu i AAK’së, Ramush Haradinaj përmes një postimi në rrjetin social Facebook ka uruar 28 nëntorin, ditën e flamurit.
E këtë rast Haradinaj ka thënë se me linjën hekurodhore Kosovë-Shqipëri, mbrojtjen e përbashkët ushtarake të Kosovës dhe Shqipërisë dhe shtetësisë shqiptare, shënojnë festat e nëntorit.
“Mirënjohje të përjetshme për prijësit themeltarë të shtetit shqiptar që lartësuan vlerat dhe idealet kombëtare. Përulje para veprës së heronjve e martirëve, të të gjithë brezave, që luftuan për të drejtën tonë. Falënderim popujve miq, që në kohën kur kanoseshim nga shfarosja, ishin përkrah nesh, Aleanca”, ka shkruar ai.
Shkrimi i tij i plotë:
1.Linja hekurudhore Kosovë – Shqipëri
2.Mbrojtja e përbashkët ushtarake e Kosovës dhe Shqipërisë. Në funksion të forcimit të Ushtrisë së Kosovës, të nis iniciativë ligjore për Fondin e Ushtrisë, ku të gjithë shqiptarët do të kenë mundësinë të ndihmojnë me financa.
3.Shtetësia shqiptare për të gjithë shqiptarët kudo që janë.
Me këto tri qëllime, shënojmë Festat e Nëntorit. Mirënjohje të përjetshme për prijësit themeltarë të shtetit shqiptar që lartësuan vlerat dhe idealet kombëtare.
Përulje para veprës së heronjve e martirëve, të të gjithë brezave, që luftuan për të drejtën tonë.
Falënderim popujve miq, që në kohën kur kanoseshim nga shfarosja, ishin përkrah nesh, Aleanca Veriatlantike NATO e prirë nga Shtetet e Bashkuara të Amerikës.
Të dashur bashkëkombas. Urime 28 Nëntori – Dita e Flamurit dhe Pavarësisë sonë Kombëtare. 28 Nëntori i Skënderbeut, UÇK-së dhe Adem Jasharit. 28 Nëntori i shqiptarëve. Urime!RH
