Në shenjë proteste kundër procesit të vaksinimit kundër koronavirusit, një person i vuri flakën vetes në Melburn të Australisë. Sipas mediave të huaja, ai ishte në makinë kur u pa një zjarr i madh, ndërsa pranë tij pati lokale dhe ndërtesa ku banorët mund ta shihnin momentin.
Ekipet e zjarrfikësve arritën ta shuanin zjarrin, ndërsa pranë vendit të ngjarjes janë dëgjuar britma. Personi ka marrë plagë të rënda nga djegia dhe është dërguar në spital me ambulancë.