FIFA ka publikuar renditjen e re për kombëtaret, pas përfundimit të ndeshjeve të muajit nëntor. Shtëpia më e madhe e futbollit botëror përditëson renditjen pas çdo ndeshje ndërkombëtare. Ndërkohë, Shqipëria ka humbur një pozicion për shkak të barazimit ndaj Andorrës dhe humbjes ndaj Francës, ‘Kuqezinjtë’ tani renditen në pozitën e 66-të me 1356 pikë.
Ndërsa, në top-10 kombëtaret e para renditja vazhdon po e njëjta përveç Kroacisë që është ngjitur në pozitën e gjashtë, duke lënë Portugalinë në të shtatin. Belgjika, Franca dhe Brazili vazhdojnë të jenë në podium.
