Reperi i njohur Kanye West ka vendosur të paguajë kolegjin për vajzën e George Floyd, Gianna. Reperi gjithashtu ka dhënë një donacion prej 2 milion dollarësh (1.6 milion £) në mënyrë që të mbështesë familjet e Ahmaud Arbery dhe Breonna Taylor.
Një përfaqësues për West i tha kanalit të lajmeve CNN se dhurimi nuk përfshin vetëm financimin për tarifat ligjore për familjet Arbery dhe Taylor, por edhe për bizneset me pronësi të njerëzve me ngjyrë në qytetin e tij të lindjes.
West ka krijuar një plan arsimimi që do të mbulojë plotësisht shpenzimet e shkollimit për Gianna Floyd, vajza gjashtë vjeçare e George Floyd. George Floyd vdiq ndërsa ishte në paraburgim policor në Minneapolis në 25 maj.Vdekja e tij ka ngjallur zemërim në mbarë botën, me protesta që po zhvillohen në të gjithë Shtetet e Bashkuara dhe më gjerë.
