Rezultatet e Topit të Artë 2019 nëse fituesi do të zgjidhej bazuar në statistika

Përderisa Virgil van Dijku konsiderohet favorit për ta fituar Topin e Artë këtë vit, ai do të radhitej vetëm i 29-ti nëse çmimi do të ndahej vetëm në bazë të statistikave, përderisa Lionel Messi do ta fitonte për herë të gjashtë këtë çmim. Sezoni i çmimeve individuale në botën e futbollit nisi me triumfin e Virgil van Dijkut në çmimin për lojtarin më të mirë të vitit të UEFA-s, para se Lionel Messi t’i kthehej duke e fituar çmimin për lojtarin më të mirë të vitit nga FIFA, transmeton Gazeta Express. Por, Topi i Artë është çmimi më prestigjioz individual në botë dhe France Football e publikoi në fillim të kësaj jave listën prej 30 kandidatëve për këtë çmim këtë vit.

Nga 30 futbollistët e zgjedhur në këtë listë, një numër i gazetarëve të zgjedhur nga e gjithë bota do ta vendosë fituesin bazuar në tri kritere: paraqitjet individuale dhe kolektive, talenti dhe ndershmëria e lojtarit dhe gjykimi i përgjithshëm për karrierën e futbollistit.

Topi i Artë, bazuar në statistika

Sistemi i përdorur për ta zgjedhur fituesin e Topit të Artë nuk i kënaq shumë tifozë dhe për këtë arsye uebsajti WhoScored.com e ka shtruar pyetjen: Kush do të kishte fituar nëse fituesi do të zgjidhej vetëm në bazë të statistikave?

Lista e bërë në bazë të statistikave të lojtarëve gjatë vitit të fundit është mjaft interesante pasi Virgil Van Dijk, radhitet në pozitën e 29-të bazuar në statistika.

Lista e plotë: