Pas një dite duke mos ofruar asnjë shërbim, për shkak se kërkonin shtyrje të orës policore për muzikën, sot lokalet në Lungomare i janë rikthyer punës normalisht.
Prej 24 oresh, bizneset në zonën e Lungomares nuk ofruan shërbim, pasi nuk janë dakord me orën policore për muzikën, sepse u largon turistët.
Nga sot kjo orë shkoi nga 22:00 në 23:00, mirëpo as me këtë shtyrje pronarët nuk kanë qenë dakord, e për këtë dolën në protestë mbrëmjen e djeshme, duke vendosur qiri dhe me pankarta në duar ‘Mos na prekni klientët’.
Pronarët kërkojnë që të kenë në sfond muzikë deri në orën 00:00, si dhe ora policore të shtyhet deri në orën 02:00 të mëngjesit.
