Kryeministri Edi Rama dhe ai grek Kyriakos Mitsotakis janë takuar në Mynih të Gjermanisë. Në takimin mes tyre sipas mediave greke është diskutuar në lidhje me Paktin Detar dhe me vendosjen në mënyrë përfundimtare të ndarjes së ujërave territoriale.
Burime qeveritare theksojnë se zoti Mitsotakis iu referua demitilimit të zonave detare mes dy vendeve, duke theksuar se referimi në Gjykatën Ndërkombëtare të Drejtësisë në Hagë, siç është rënë dakord mes dy palëve, do të konsolidojë më tej marrëdhëniet e fqinjësisë së mirë, si dhe sigurinë dhe bashkëpunimin rajonal në rajon.
Gjithashtu, Kryeministri grek nënvizoi mbështetjen e vendosur të Greqisë për kursin europian të Shqipërisë, në përputhje me termat dhe kushtet e procesit të anëtarësimit.
Më herët, Kyriakos Mitsotakis u takua me kryeministrin e ri të Maqedonisë së Veriut, Dimitar Kovacevski, atë të Kosovës, Albin Kurti por edhe me presidenten Vjosa Osmani.
