Pas përmbylljes me sukses të procesit zgjedhor për kryetarin e ri, Dega e Shoqatës Patriotike “Çamëria” në Vlorë shënon sot një hap vendimtar drejt riorganizimit dhe aktivizmit të munguar prej kohësh. Sot, më datë 28.02.2026, u mbajt mbledhja e parë zyrtare ku u bë Konstituimi i Këshillit, Kryesisë dhe Departamenteve kryesore të shoqatës.
Në një frymë bashkëpunimi dhe përgjegjësie ndaj kauzës çame, u përcaktuan drejtuesit dhe anëtarët e strukturave që do të jetësojnë projektet tona në vijim. Struktura e re Organitativ Për të garantuar një punë profesionale dhe të detajuar, u ngritën pesë departamente kyçe: Departamenti i Financës: Për transparencë të plotë dhe menaxhimin e burimeve në shërbim të shoqatës.
Departamenti i Historisë: Për dokumentimin e fakteve, mbrojtjen e të vërtetës historike dhe ruajtjen e kujtesës kolektive. Departamenti i Kulturës: Për promovimin e traditave, veshjeve, dialektit dhe pasurisë shpirtërore çame. Departamenti i Rinisë: Për t’u trashëguar amanetin dhe krenarinë kombëtare brezave të rinj. Departamenti i Gruas: Për fuqizimin e rolit të gruas çame në jetën sociale dhe aktivizmin patriotik. Vendimet e marra në mbledhjen e parë Në këtë takim konstituiv, Këshilli vendosi një standard të ri pune dhe llogaridhënieje:
Rregullorja e Re: Këshilli i Shoqatës Patriotike “Çamëria” (Dega Vlorë) do të mblidhet një herë në muaj. Ky forum do të shërbejë për të diskutuar ecurinë e punës, si dhe për të raportuar mbi detyrat specifike të ngarkuara për çdo departament.
Ky riorganizim vjen si një përgjigje e drejtpërdrejtë ndaj nevojës për të nxjerrë shoqatën nga plogështia e viteve të fundit. Vlora, si një qendër e rëndësishme e komunitetit çam, tashmë ka një strukturë solide që nuk do të lejojë më harresën, por do të punojë me përkushtim për drejtësi dhe dinjitet. Me respekt, Kryesia e Shoqatës Patriotike “Çamëria” – Dega Vlorë.
