Përfundon projekti për Ndihmë Humanitare në Sheqishte të Patosit, i cili financoi rinovimin e kopshtit dhe qendrës shëndetësore.
“️Kjo shkollë dhe qendër shëndetësore janë dhuratë e qytetarëve amerikanë për banorët e Sheqishtes dhe familjet e fëmijët e fshatrave dhe komuniteteve përreth. Ato përfaqësojnë përkushtimin e qeverisë së Shteteve të Bashkuara dhe janë një investim në udhëheqësit e ardhshëm të Shqipërisë”, tha ambasadorja Kim gjatë ceremonisë zyrtare të përfundimit të projektit për Ndihmë Humanitare në Sheqishte të Patosit, financuar nga Komanda Europiane e Shteteve të Bashkuara.
Projekti financoi rinovimin e kopshtit dhe qendrës shëndetësore, duke e shndërruar hapësirën në një ndërtesë dykatëshe tërësisht funksionale, e cila ndihmon komunitetin të ketë arsim dhe kujdes shëndetësor më të mirë.
