Pa asnjë dyshim që dyshja Messi-Ronaldo janë ndër yjet e futbollist dhe rivaliteti mes tyre është një prej çështjeve që është diskutuar më së shumti. Por, duket se tashmë rivaliteti mes tyre është edhe përtej fushës së blertë. Tani, debati mes Messit dhe Ronaldos ka kaluar të stili i jetesës, pasuria dhe partneret e tyre.
E dashura e Ronaldos, Georgina Rodriguez është një yll në mediat sociale dhe konsiderohet si një prej grave më të bukura të futbollistëve. Jeta e saj është e ndarë mes familjes, por pa lënë mënjanë në asnjë moment karrierën e saj si modele. Mediat shkruajnë se ajo merr 80 mijë paund nga Ronaldo çdo muaj dhe 6600 paund për një postim në Instagram. E dashura e Ronaldos ka një pasuri që kap vlerën e 10 milionë dollarëve.
Ndryshe nga Georgina, gruaja e Lionel Messi, Antonela Roccuzzo është e përkushtuar totalisht ndaj fëmijëve. Mirëpo, kjo nuk do të thotë se ajo nuk bën jetë luksi. Antonela është gjithashtu modele, por bën jetë më të thjeshtë. Edhe pse është e tërhequr nga mediat sociale dhe modelingu, ajo ka një pasuri prej 20 milionë paund. Nuk dihet shumë për Antonela Ruccozzo, e cila ka zgjedhur të mbajë një profil të ulët publik.
