Roza Lati ka dhënë detaje për projektin e saj më të ri, “Sirena”, një video që tregon të gjitha problemet aktuale të Tokës, mbytjen e saj nga mbeturinat, asfiksimin që po i shkaktohet gjallesave, plastika që po pushton çdo centimetër, oqeanet që po vdesin, të gjitha të shpalosura konkretisht në formën e një gjallese ujore mitologjike.
Roza ka treguar se bishti i saj i sirenës është bërë me silikon prapa dhe ka patur peshën 26 kile, të cilën është detyruar ta mbajë të veshur.
“Luspë më luspë, është skulpturë, është bërë me silikon prapa dhe ka patur peshën 26 kile. Unë kam mbajtur të veshur në trup 26 kile silikon që është ai bishti, i rëndë. E kishim menduar nëse këta mund ta bëjnë bishtin e sirenës, erdhi momenti të bëj foto si sirenë, ky muhabet ka dy vjet. Kam që 2 vjet që e mbaj në sirtar këtë ide”, u shpreh Roza.
