Rreth 450 pasagjerë kanë mbërritur mëngjesin e kësaj të diele në Vlorë me dy tragetet e linjës Vlorë- Brindisi. Ky është edhe fluksi më i madh i rregjistruar në portin e Vlorës që prej lejimit të lëvizjes por gjithmonë në mënyrë të kufizuar. Janë shtetas shqiptarë të cilët janë rezidentë në Itali apo edhe shtetas të huaj pak italianë që kanë mbërritur në Shqipëri. Në intervistat e tyre ata pranojnë se kanë mberritur kryesisht për të parë të afërmit për shkak se kanë qenë të bllokuar nga pandemia ndërsa një pjesë edhe për të rinovuar pasaportat. Të huajt janë kryesisht italianë por në numër të paktë që kanë mbërritur për punë të ndryshme por edhe duke përfituar të shijojnë pse jo disa ditë pushimi. Lëvizja mes portit të Vlorës vijon të jetë gjithsesi vetëm për një kategori të caktuar kryesisht shqiptare me dokumenta italiane rezidentë në shtetin Italian por edhe pak të huaj.
