Një aeroplan kilian “S-130 Herkules” me 38 persona në të u zhduk nga ekranët e radarëve. Por më pas u konstatua se aeroplani është rrëzuar, transmetuan agjencitë, duke iu referuar informatave nga Tuiteri të forcave ajrore të vendit. Aeroplani u nis drejt bazës së Antarktikut, ndërkaq kontakti me të u humb një orë pas fluturimit. Autoritetet disa orë më vonë kumtuan se nuk janë optimistë për epilogun përfundimtar. Pasi që lidhja me ekuipazhin ishte ndërprerë shtatë orë, forcat ajrore kiliane, si dhe anijet dhe aeroplanët nacional dhe të huaj, kryen operacion të gjurmimit në rajonin e incidentit, në mënyrë që të shpëtojnë të mbijetuarit e mundshëm.
Aeroplani “S-130” ka fluturuar nga baza “Çabunko” në qytetin Punta Arenas, që ndodhet në jugun e largët të vendit, afër bazës ajrore të Antarktikut. Në aeroplan ka pasur 17 anëtarë të ekuipazhit dhe 21 udhëtarë. Aeroplani ka bartur personelin, i cili ka kryer aktivitete për mirëmbajtjen e naftë-përçuesit lundrues. “S-130 Herkules” është aeroplan transportues ushtarak amerikan për destinacione të mesme dhe të gjata. Ai është aeroplani kryesor ushtarak-transportues i SHBA-së, vendeve të NATO-s dhe disa vendeve të tjera. Forcat ajrore të Kilit kanë shtatë aeroplanë të këtillë.
