Në Spitalin Infektiv në Tiranë vazhdon të rritet numri i të shtruarve. Instituti i Shëndetit Publik bën me 78 pacientë marrin trajtim spitalor. “Vijon të ketë shtrime të reja te qytetarëve që kanë nevojë për trajtim spitalor si pasojë e Covid. Aktualisht në shërbimin infektiv po marrin shërbim 78 pacientë, 10 prej tyre janë në terapi intensive ndërsa 1 është i intubuar”, sqaron Genta Qirjako ISHP.
Ajo bëri me dije se një 62 vjeçar nga Tirana ka gjetur vdekjen si pasojë e koronavirusit “Një 62 vjeçar nga Tirana i shtruar në gjendje të rëndë, i intubuar, nuk arriti dot të mbijetojë me gjithë përpjekjet e stafit mjekësor të spitalit infektiv. Ministria e Shëndetësisë i shpreh ngushëllimet familjarëve të të ndjerit”, tha Qirjaku. Ndërkohë, ajo bëri me dije se në vendin tonë “janë aktualisht 784 persona aktivë me COVID19, kryesisht në Tiranë, Shkodër, Durrës”.
