Të moshuarit në Sarandë kanë nisur plazhin edhe pse mbetet i ndaluar. Kjo ishte pamja këtë të martë. Të moshuar e fëmijë kishin dalë buzë Jonit. Plazhet zyrtarisht pritet të hapen në fund të muajit, por banorët e zonave bregdetare duket se nuk do të presin lejen për tu larë. “Unë kam 5 ditë që kam filluar plazhin” “Kam ardhur në datën 10” “U paralizova fare, sa erdha në det mu shëruan këmbët” Po përfitojnë edhe nga lehtësimi i masave dhe kontrolleve të policisë. “Kontrolle ka pasur, na thanë nuk duhet të laheni deri në një urdhër të dytë” Në qytetin buzë Jonit, rregullat kundër koronavirusit po neglizhohen masivisht që kur qyteti dhe rreth 90 % e vendit është përfshirë në atë që konsiderohet harta e gjelbër.
