Luka Modric fitoi Topin e Artë këtë vit dhe shumë njerëz gëzuan, sepse me ne fund çmimi i France Football doli nga monotonia Messi-Ronaldo. Megjithatë, shumë të tjerë mbetën gojëhapur që Messi doli i pesti në renditjen e Topit të Artë dhe habia u kthye në zemërim apo ironi, kur u panë rezultatet, me Messin që mori 280 vota dhe Modric 753. Kaq i madh është hendeku mes tyre? Për të mbyllur debatin mendon Gary Lineker, legjendë e futbollit anglez, yll te Barcelona në rininë e vet dhe adhurues i Lionel Messit (kush nuk është?).
The leading scorer in Europe’s top 5 leagues in 2018 was Messi with 47 goals. The most assists made in Europe’s top 5 leagues in 2018 was Messi with 26. He also scored directly from more freekicks than anyone in the history of Europe’s top 5 leagues. 5th in Ballon d’Or. 👍🏻
— Gary Lineker (@GaryLineker) December 31, 2018
Tashmë në rolin e gazetarit, Lineker është i famshëm për batutat e tij dhe këtë radhë jep verdiktin e tij për Topin e Artë dhe vendin e pestë të Pleshtit: “Shënuesi më i mirë në 5 kampionatet më të mëdhenj në 2018 ishte Messi, me 47 gola. Njeriu me më shumë asiste ishte Messi me 26. Ai është lojtari që ka shënuar më shumë gola me goditje dënimi nga çdo lojtar në histori me 5 ligat kryesore. Vendi i pestë në votimin e Topit të Artë”.
