Noteri Thoma Kaçi ka rënë pre e grabitjes në orët e para të mëngjesit të sotëm, ku dy persona të aramtosur i kanë hyrë me armë në banesë dhe i kanë marrë një shumë të madhe parash. Burime bëjnë me dije se bëhet fjalë për një shumë rreth 20 milionë lekë të vjetra.
Kaçi fatmirësisht nuk ka pasur lëndime, dhe ndodhet në gjendje të mirë shëndetësore. Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve.
Njoftimi i policisë: Më datë 20.10.2021, rreth orës 08:10, në sallën operative Sarandë, ka telefonuar shtetasi T. K., banues në lagjen nr.4, Sarandë, për të njoftuar se dy persona ende të paidentifikuar, i kishin hyrë me dhunë në banesë dhe i kishin vjedhur një shumë parash dhe dy çelësa automjetesh.
Shtetasi T. K. nuk ka pësuar dëmtime dhe ndodhet në gjendje të mirë shëndetësore.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj, me qëllim kapjen e autorëve. Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve.
