“Për Parlamentin Europian procesi i bisedimeve të anëtarësimit duhet të nisë shpejt”, ka deklaruar Presidenti i Parlamentit Europian, David Sassoli në fjalën e tij në tryezën e rrumbullakët të PE. “Ballkani Perëndimor është një nga prioritetet e mia kryesore. Pas mandatit të marrë nga Parlamenti Europian, vizita ime e parë jashtë BE ishte në Maqedoninë e Veriut”, është shprehur Sassoli.
“Duhet të vizitoja Tiranën për t’i shprehur mbështetjen time popullit shqiptar për procesin e bisedimeve të anëtarësimit me BE, por më duhet ta shty udhëtimin pas tërmetit që goditi vendin”, ka shtuar ai.
“Unë dua të përsëris solidaritetin tim me qytetarët shqiptarë në emër të të gjithë anëtarëve. Për Parlamentin Europian procesi i bisedimeve të anëtarësimit duhet të nisë shpejt. Ne do të bëjmë të gjitha përpjekjet për të siguruar që progresi është bërë dhe që ky proces vjen në një konkluzion të suksesshëm”, ka vijuar ai. “Sot, më shumë se kurrë, ne kemi nevojë për të pajtuar dimensionin politik dhe gjeografik. Vetëm së bashku mund të trajtojmë sfidat globale si ndryshimi i klimës ose migracioni”, deklaroi Sassoli në tryezën e rrumbullakët në tryezën e rrumbullakët të PE.
