Sebastian Smakaj shoqërohej nga vëllai, qélluan para lokalit të tyre Krajën dhe u larguan me…

Kampioni i Taekwondo-së, Sebastian Smakaj është zyrtarisht autori kryesor i ngjarjes së mbrëmshme në Shkodër, ndërsa është shpallur në kërkim së bashku me të vëllain, emri i të cilit ende nuk është bërë i ditur. Mësohet se Smakaj e ka qëlluar plot 14 herë Krajën brenda makinës së këtij të fundit, ndërsa në vendin e ngjarjes janë gjetur 18 gëzhoja automatiku. 29-vjeçari Sebastian Smakaj, së bashku me të vëllain e tij pasi kanë kryer krimin, janë larguar nga vendi i ngjarjes me shpejtësi, një makinë tip ‘Peugeot’ ngjyrë gri. Zbardhja e ngjarjes dhe identifikimi i autorëve si dhe ngritja e patrullave dhe grupeve të kërkimit pritet të finalizohet me arrestimin e autorëve, gjë e cila do të hidhte dritë edhe mbi shkaqet e ngjarjes. Mësohet nga burimet për Faxweb.al se Kraja kishte shok të ngushtë të vëllain e Smakajt, ndërsa shoqërohej edhe me këtë të fundit (F.GJ/FAXWEB.AL)