Me rihapjen e linjave interurbane, pas mbylljes prej pandemisë, shoferët ngritën alarmin se po shkonin drejt falimentimit, që në ditët e para të korrikut. Sot për kamerën e ABC News, ata pohojnë të njëjtën gjë. Kompanitë e transportit interurban të pasagjerëve në Vlorë janë drejt falimentimit. Pasojat e pandemisë së covid-19 i ka goditur rëndë.
“Nuk bëjmë dot shpenzimet, na ka shkatërruar fare, zero” tha njëri prej shoferëve. Ata thonë se ndihma nga shteti ka munguar. “Nga shteti kemi marrë vetëm tre rroga”. “Deri tani asgjë”.
Drejtuesit e autobusëve ankohen edhe për konkurrencën e paligjshme. “S’ka punë fare. Edhe dy pasagjerë që janë, ikin me informalitetin”. Sipas tyre, pandemia dhe mungesa e ndihmës nga shteti do të çojë drejt mbylljes së këtij shërbimi, që do të reflektohet në rritje te papunësisë.
