Antidroga e Tiranës po vijon hetimet në lidhje me shpërndarjen e kokainës në zonën e ish-Parkut në kryeqytet.
Celularët e dy të arrestuarve, Klajdi Serjani dhe Euxhenjo Manushi, të cilët u kapën me 1 kg kokainë, po verifikohen nga hetuesit për të zbuluar skemën kriminale, por edhe emrat e tjerë të përfshirë.
Ka dyshime se në këtë grup që funksiononin si shpërndarës dhe furnizues të kokainës së pastër janë të përfshirë disa persona të tjerë.
Ky grup shpërdante kokainë edhe në lokalet e natës në pika të ndryshme të Tiranës.
Klajdi Serjani, është nipi i Pajtim Serjanit, i cili është arrestuar dhe dënuar për gjobëvënie me tre vite, ndërsa aktualisht është i lirë, pasi e ka përfunduar dënimin. Serjani u dënua për gjobëvënie ndaj një biznesmeni në vitin 2014, ndërsa njihet si miku i Emiljano Shullazit.
