Max Allegri pak ditë më parë nxori Juven e tij nga gara për titull në Serie A, disa menduan se trajneri thjesht po përpiqej të largonte presionin, por më sa duket ka qenë realist, në sytë e tij, por tashmë edhe në shifra, “Zonja e Vjetër” është jashtë garës për titull. Milan, Inter e Napoli dukshëm kanë diçka më shumë se bardhezinjtë.

Për momentin ekipi i Piolit ndodhet në krye në kuotën e 55 pikëve, 1 më shumë se Inter, por zikaltërit kanë dhe një ndeshje për të rikuperuar, atë kundër Bologna. Me 53 pikë, Napoli renditet në vendin e tretë, plus 5 pikë në raport me Juven.

“Djalli” do të përpiqet sot në mbrëmje të dal me pikë të plota nga transferta përballë Salernitana për të shtuar akoma më shumë presionin mbi kushërinjtë e tyre zikaltër që presin Sassuolo ndërsa Napoli luan të hënën në transfertë përballë Cagliari.BW