Presidenti amerikan Donald Trump emëroi dje në mbrëmje gjyqtaren konservatore, Amy Coney Barrett, për të zëvendësuar të ndjerën Ruth Bader Ginsburg, në Gjykatën e Lartë. “Sot, kam nderin të emëroj një nga mendjet ligjore më të shkëlqyera dhe të talentuara të kombit tonë në Gjykatën e Lartë”, tha ai gjatë një ceremoni në Shtëpinë e Bardhë. “Ajo është një grua me arritje të pashembullt, intelekt i lartë, kredenciale të shkëlqyera dhe besnikëri të paepur ndaj Kushtetutës”, shtoi Trump.
Pritej gjerësisht që Trump të zgjidhte Barrett-in, një gjyqtare federale apeli e emëruar prej tij, e cila ishte e parapëlqyera e Republikanëve për shkak të qëndrimeve të saj të mëparshme në lidhje me abortin, të drejtat e armëve dhe emigracionin.
