Shembet çatia e shkollës, 12 persona dërgohen me urgjencë në spital

Dymbëdhjetë persona, përfshirë nëntë fëmijë, janë plagosur pasi çatia e një shkolle në Florida u shemb pjesërisht. Incidenti ndodhi në shkollën e mesme James S Rickards, në Oakland Park, një periferi e Fort Lauderdale. Autoritetet thanë se drejtori i shkollës dëgjoi dy goditje të forta para se të zbulonte se çatia ishte shembur pjesërisht. Dyshohet se një rrjedhje uji në shkollë shkaktoi shembjen dhe ka lënë pas dëme të mëdha. Fatmirësisht, nga shembja nuk pati viktima, ndërsa të plagosurit janë dërguar në spital ku ndodhen jashtë rrezikut për jetën.