Pablo Ramírez, drejtori i ri të Policisë Kundër Narkotikëve në Ekuador, ka folur për mediat vendase për luftën kundër drogës që po zhvillojnë autoritetet atje, teksa është pyetur nga gazetarët dhe për mafian shqiptare.
Ramirez, është shprehur se prej vitit 2017 në Ekuador janë shfaqur vdekje të dhunshme të shtetasve shqiptarë. Po ashtu, ai ka folur dhe për trafikun e drogës, duke u shprehur se mafia shqiptare vepron e vetme dhe nuk bashkëpunon me kartele të tjera.
“Ne kemi konstatuar se njerëzit e kësaj kombësie po ndërhyjnë me forcat e tyre; ata janë një “cikël” aq i mbyllur sa nuk pranojnë as njerëz me kombësi ekuadoriane, kolumbiane apo meksikane. Përkundrazi, janë të së njëjtit nacionalitet që kryejnë të gjitha funksionet që ka një organizatë kriminale, janë aq të mbyllura saqë edhe për shkak të gjuhës nuk na lejon të përparojmë ashtu siç duhet”, është shprehur shefi i Policisë.
Që nga viti i kaluar flitet për praninë e mafies shqiptare në Ekuador, çfarë dihet për momentin?
Që nga viti 2017 kemi filluar të shfaqim veçori të caktuara jo vetëm të vdekjeve të dhunshme apo tentativave për vdekje të dhunshme të personave me kombësi shqiptare. Nëpërmjet hetimeve kemi konstatuar se është inkorporuar ky lloj i personave që vijnë nga jashtë me njohuri në pjesën evropiane të këtij lloj të akteve të paligjshme që tentojnë të marrin portet dhe të shfrytëzojnë mundësinë për të kontaminuar anijet, kontejnerët, por edhe aeroportet.
Ne kemi konstatuar se njerëzit e kësaj kombësie po ndërhyjnë me forcat e tyre; ata janë një “cikël” aq i mbyllur sa nuk pranojnë as njerëz me kombësi ekuadoriane, kolumbiane apo meksikane. Përkundrazi, janë të së njëjtit nacionalitet që kryejnë të gjitha funksionet që ka një organizatë kriminale, janë aq të mbyllura saqë edhe për shkak të gjuhës nuk na lejon të përparojmë ashtu siç duhet. Megjithatë, ka hetime të rëndësishme që do të përfundojnë në javët dhe muajt e ardhshëm.
Me fjalë të tjera, mafia shqiptare nuk do të punonte me kartele ndërkombëtare si Sinaloa apo Jalisco Nueva Generación?
Është një hipotezë që po trajtohet. Në çdo rast, nëpërmjet hetimeve të ndryshme, të shtuara në zbërthimin e strukturave ku ka ndërhyrje të njerëzve të kësaj kombësie, do të na lejojë që hipotezat të bëhen premisa.
