Ish-deputeti i PD Agron Shehaj kërkon hetimin e lidhjeve mes kryeministrit Rama e biznesmenit Sinan Idrizi, aksioner i Air Albania dhe nën hetim së fundmi për mashtrim financiar si pasojë e një denoncimi të bërë nga biznesmeni turk Adnan Polat.
Përmes një postimi në Facebook, Shehaj hodhi dyshime për mënyrë se si Idrizi, nga një person i panjohur, u bë ortak i shtetit në kompaninë e fluturimeve Air Albania. “Sinan Idrizi, një person që Edi Rama e vendosi si ortak me 41 % të aksioneve të kompanisë shtetërore Air Albania, akuzohet për mashtrim prej miliona euro.
Kete te akuzuar për mashtrim, pa asnje aktivitet biznesi, pa asnje burim te deklaruar parash, Edi Rama e beri ortak me shtetin vetem sepse ai ishte njeriu i duhur per te mbuluar edi ramen. Nuk ka asnjë dyshim që Sinan idrizi u vu aty vetëm për të shërbyer si mbulesë per vetë Edi Ramën. 41 % të aksioneve të Air Albania janë të Edi Ramës.
Eshte koha që SPAK të hetojë urgjentisht lidhjet Rama-Idrizi dhe mënyrën se si u bë Idrizi ortak i shtetit.”-shkruan Shehaj. Kujtojmë se këtë të mërkurë në median turke u bë publik fakti se biznesmeni turk Polat e kishte denoncuar biznesmenin shqiptar për mashtrim Pas këtij lajmi reagoi dhe vetë Idrizi, i cili deklaroi se lajmi ishte i pavërtetë.
