Kryetari i Lëvizjes për Zhvillim Kombëtar (LZHK), Dashamir Shehi, thotë se nuk e çuditi miratimi në Parlament nga PS-ja e ndryshimeve të njëanëshme të Kodit Zgjedhor, ndërsa theksoi se do të mbetet në pozicionimin krah Partisë Demokratike në opozitë.
I pyetur nëse ishte siguruar në do të bënte pjesë në listën e kandidatëve për deputetë të PD-së, Shehi u përgjigj se nuk kishte pasur diskutime për këtë pjesë por la të kuptohet se ai nuk është i shqetësuar nga ndryshimet e mënyrës së koalicioneve pasi “me listë, pa listë” është “votuar gjithmonë në përgjithësi”.
“Ne me zotin Basha kemi bërë marrëveshje prej 7 vitesh, kemi dalë në rrugë në protesta, kemi lënë parlamentin, gjykoj se ai [Lulzim Basha] është drejtues Evropian, i ri, modern dhe që do t’i zbatojë rregullat e lojës, nuk është as gjeniu… që s’kemi më nevojë si zoti Rama”,-u shpreh Shehi në ”Euronews”, duke këmbëngulur se qëllimi i opozitës ka qenë dhe mbetet maksimalizimi i votave për ndryshimin e qeverisë.
Shehi theksoi se nëse do të kërkohet, LZHK-ja do të hyjë dhe e vetme në zgjedhje. ”Këtu nuk flitet për emrin tim, por edhe mos të jetë… por që besoj se do të jetë, emrin tim e bëj vetë, s’ma ka bërë Basha, gjykoj se të tjerët kanë nevojë për emrin tim, por nëse do të jetë ashtu ne [LZHK] do të hyjmë dhe më vete, por qëllimi ynë është t’i qëndrojmë koalicioneve për të maksimalizuar votat kundër Rilindjes [PS-së], pastaj se ku do jetë ky, ku do të jetë ai ka kohë të diskutohet”,- pohpi Shehi.Koha jone
