Të mbijetuarit e kampeve të përqëndrimit në Lushnjë përkujtuan ngritjen e një memoriali dhe kryen homazhe, por ceremonia u shoqërua me incidente, që nisën fillimisht me mospërmendjen e disa fiseve që nuk ishin përfshirë në kumtesat e ceremonisë dhe më pas me prezencën e deputetit të zonës Bashkim Fino. Por, vetë Fino, e shpjegon çfarë ndodhi dhe pse ishte prezent në një ceremoni të tillë.
“Nuk ishte incident. Prezenca e kryetarit të bashkisë apo e imja, është në funksion të vuajtjeve që kanë kaluar këta të persekutuar”, tha Fino.
Për ish të internuarit dhe pasardhësit e tyre u çel një ekspozitë fotografike me materiale arkivore të Autoritetit të Ish-drejtorisë së Sigurimit të Shtetit dhe për herë të parë u publikuan dosje të asaj kohe. Pas debateve dhe incidenteve një pjesë e të pranishmëve ka braktisur sallën, mes tyre edhe kryebashkiaku Fatos Tushe.
