Sherri tek Ekonomiku, Dekani Kule: Ndodhi pas mësimit në QS, Policia të veprojë se dinë gjithçka

“Nuk ka ndodhur ngjarja brenda ambienteve tona, por ka ndodhur në Qytetin Studenti”, ishte kjo deklarata e Dekanit të Fakultetit të Ekonomisë, Dhori Kule. Në një deklaratë për mediat Kule ka thënë se pedagogia dhe studentët kanë kërkuar që grupi të dilte jashtë dhe në fund të mësimit ka ndodhur sherri. Po ashtu drejtuesi i Ekonomikut u shpreh se Policia duhet të veprojë pasi ka dhe informacione më të shumta se fakulteti. “Ata nuk kanë qenë student të atij grupi. Grupi nuk i ka pranuar dhe nuk ka vijuar mësimi, ata i kanë nxjerr jashtë dhe pasi ka mbaruar mësimi ka ndodhur sherri. Strukturat e policisë së qytetit studenti i dinë emrat, dinë gjithçka nga ngjarja. Policia duhet të ketë dhe filmimet e grupit që ka guxuar të bëjë këtë gjë”, u shpreh Kule për mediat.