Eros Grezda nuk po kalon periudhën më të lumtur në karrierën e tij. Sulmuesi gjakovar pas atij incidenti të ndodhur me të rinjtë e Rejnxhërs, nuk është grumbulluar më nga trajneri i ekipit të parë, Stiven Xherrard. Në këtë formë, Grezda po penalizohet edhe për një thirrje nga Kombëtarja e Shqipërisë.Këtë e ka pranuar vetë futbollisti në një prononcim për ‘Proçesin Sportiv’, ku ndër të tjera theksoi se me Rejnxhërs nuk ka bërë zgjedhjen e duhur, por nëse kthente kohën pas do ta ribënte sërish.“Kam kaluar kohë të vështira me klubin dhe Kombëtaren. Por tani po mundohem të mbaj veten në formë të mirë. Unë ndihem mirë dhe po stërvitem edhe në mënyrë personale. Minutat që nuk po bëj me ekipin e parë po me penalizojnë te Kombëtarja.Nuk kam pasur kontakte me Rejën që kur ndodhi ai incidenti në qershor. Për rrjetet sociale nuk mund të më ndalojë askush, vetëm babi më kritikon. Nuk kam bërë zgjedhjen e duhur për Rejnxhërsin, por nëse ktheja kohën mbrapa do të bëja të njëjtën gjë”, u shpreh Grezda.
Categories
Lajme