Prej disa ditësh, këngëtarja e njohur, Elsa Lila është kthyer në vëmendjen e mediave. Ajo u bë “e gjallë” disa muaj pasi u arrestua nën akuzën për përfshirje në një grup kriminal që merrej me trafikun e drogës.
Këngëtarja ra në pranga në muajin mars bashkë me gjashtë shqiptarë të tjerë në kuadër të një operacioni anti-drogë në Itali.
“Faleminderit te gjitheve per mbeshtetjen!Ju dua dhe me mungoni.Shihemi shpejt ne Shqiperi!”, ka shkruar Lila në postim.
Kujtojmë që këngëtarja u mbajt për pak kohë në qeli për shkak të hetimeve dhe në përfundim autoritetet policore italiane njoftuan se ajo nuk kishte lidhje me akuzat që rëndonin mbi të.