Ministria e Shëndetësisë njoftoi sot një numër rekord rastesh të reja, 140 të infektuar pozitivë në të gjithë vendin. Ndërkaq, nga këto raste, shifër rekord është regjistruar edhe në Kavajë. Në qytet janë konfirmuar 14 raste të reja gjatë 24 orëve të fundit. Rastet e reja në Kavajë janë dy familje me nga dy persona,

të cilët nuk dihet se ku janë infektuar. Ndërsa dhjetë të tjerët janë raste kontakti të të infektuarve të mëparshëm. Tirana vijon të ketë numrin më të lartë të rasteve të konfirmuara. Gjatë 24 orëve të fundit në kryeqytet janë regjistruar 72 raste. Ministria e Shëndetësisë njoftoi sot edhe pesë humbje jete në të dy spitale Covid.