Më shumë se 20 vjedhje në 3 muaj, në disa raste edhe grabitje të dhunshme, ku në një prej tyre plagosën me thikë viktimën..

Skuadra operacionale e policisë së Bolonjës ka bërë të mundur arrestimin e 6 personave, të gjithë shqiptarë, të cilët funksiononin si bandë.

Mes gushtit dhe tetorit të vitit të shkuar, banda e specializuar e vjedhjeve kishte bërë të mundur të kryenin grabitje me vlerë që i kalon 250 mijë eurot në zonat e Bolonjës, Casalecchios, Castenasos dhe Granarolos, raporton Imolaoggi.

Policia mbërriti në gjurmët e bandës duke ndjekur një dyqan floriri që blinte produkte të vjedhura.