Policia Federale e Australisë ka shkatërruar një organizatë kriminale shqiptare. Sipas asaj që shkruajnë mediat vendase, së fundmi është vënë në pranga një tjetër anëtar i kësaj organizate duke e çuar numrin në total të të arrestuarve në shtatë.
Bëhet fjalë për një 31-vjeçar ndaj të cilit ishte lëshuar edhe një urdhër kontrolli në banesë. Atij iu sekuestruan disa gjëra të ndryshme, duke përfshirë këtu edhe celulari dhe disa pajisje elektronike.
Personi i arrestuar është akuzuar për kultivim kanabisi dhe pritet që të dalë në gjykatë të premten. Detektivët e policisë australiane janë shprehur se i arrestuari, nën urdhrat e grupit kriminal, ka drejtuar katër shtëpi bari në Melbourne.
Më herët, autoritetet australiane kanë vënë 6 persona, mes të cilëve edhe një agjent imobilar.
Hetimet për grupin në fjalë kanë nisur që vitin e kaluar. Po vitin e kaluar është arrestuar edhe një 36-vjeçar, i cili dyshohet se është drejtuesi i grupit kriminal.
Mediat australiane nuk bëjnë të ditur asnjë emër të të arrestuarve./tvklan.al
