Është vetëm 30 km nga Zagrebi, kryeqyteti kroat në të cilin na çoi ftesa e Këshillit të Pakicave Kombëtare Shqiptare.
Gornja Stubica është qyteza që në folk e përfaqëson Ansambli ” Matja Gubec” i cili në Majin e këtij viti ishte një nga pjesëmarrësit europianë të Aulona Inter Folk Festival.
Mban emrin e një prej luftëtarëve e udhëheqësve më të famshëm e më popullor të Kroacisë, vendlindja e të cilit është pikërisht Gornja Stubica.
Vedat Zogejani, ndër veteranët veprimtarë të shqiptarëve në Zagreb, e kishte prezantuar gjëndjen tonë në kryeqytet dhe në përfundim të aktivitetit e pamë të udhës ta realizonim një vizitë në këtë rrethinë të Zagrebit në përgjigje të dëshirës së vendasve.
Anëtarët e Matja Gubecit bënë 1150 km për të ardhur në Vlorë, ne prej Zagrebit vetëm 30.
…Na priti presidenti i ansamblit, Bozidar Sacer, aty në lokalin e tij muzeal treqind e më shumë vjeçar, ruajtur në orgjinalitet jashtë e brënda.
Me raki vëndi e produkte të tjera të prodhuara bio.
Ngjitur me lokalin e rrapin po treqin vjeçar ndodhet edhe kisha e madhe e mjaft e njohur e Gornja Stubicës.
Më pas vjen edhe kryetari i bashkisë , Jasmin Krismanic, një djalë që thjeshtësinë dhe mirësinë dukej se i kishte të shkruar në ballë.
Një bashki me vetëm pesë mijë banorë por me resurse të mëdha historike e turistike.
Gjithandej vijnë këtu edhe për shkak të burimeve termale por edhe të historisë së vjetër e të re. Dhe gjelbërimit e hieshisë mahnitëse.
Matja Gubec mbahet nga më të mëdhenjtë luftëtarë e udhëheqës popullor ndër dy-tre shekuj më parë ndërkohë që në përurimin e shtatores dhe memorialit të kësaj epopeje në vitin 1973, pikërisht këtu do të vinte vetë udhëheqësi Tito, vendlindja e të cilit është vetëm 40 km më tej.
Pikërisht këtu gjëndet edhe një Muze nga më interesantët e historisë, pikërisht brënda mureve që kishte nisur të ndërtonte Matja Gubec.
Po këtu të flet edhe një histori e re që lidhet me luftën e Serbisë ndaj Kroacisë.
Në qendër të zonës tërheq vëmëndjen një avion ushtarak bombardues dhe një bust piloti i vendosur përbri.
Është busti i pilotit Rudolf Peresin, bir i kësaj zone i cili nuk pranoi të zbatonte urdhërin për bombardimin e popullatës dhe rrëzoi avionin bashkë me vehten.
Natyrisht Hero i vendit
, vetëm 37 vjeçar.
Mbasi shijuam edhe një drekë me kulinarinë dhe verën fantastike të zonës morëm udhën drejt Vlorës, me më shumë respekt, dashuri e mirënjohje për këta njerëz të mirë të Kroacisë…
Natyrisht me vehte morëm edhe angazhimin për më shumë lidhje e bashkëpunim dhe në të ardhëm shkëmbime të reja kulturore mes “Bilbili”-t të Vlorës e “Matja Gubec” të Gornja Stubica.Nga Sejmen Gjokoli
