Dy makina janë shkrumbuar nga flakët mesnatën e së martës në Shkodër. Policia bën me dije se ngjarja ka ndodhur në fshatin Bardhaj, Shkodër,ku në oborrin e banesës së shtetasit M. N., 29 vjeç, janë djegur plotësisht 2 mjete të parkuara, në pronësi të shtetasve G. K. dhe M. K. Ndërkohë deri më tani nuk ka asnjë informacion në lidhje me shkaqet e kësaj ngjarje. “Më datë 20.04.2022, rreth orës 03:00, në fshatin Bardhaj, Shkodër, në oborrin e banesës së shtetasit M. N., 29 vjeç, janë djegur plotësisht 2 mjete të parkuara, në pronësi të shtetasve G. K. dhe M. K.”, thuhet në njoftimin e policisë.