Shiu i tepërt ditët e fundit ka përmbytur një sipërfaqe të madhe toke në Shkodër. Pas monitorimit të situatës në terren, Bashkia e Shkodrës thekson se janë përmbytur 1639 Ha sipërfaqe toke, ku përfshihen bimë dekorative, foragjere të dyta, jonxhe, grurë dhe tokë e pakultivuar.
Gjithashtu në Njësinë Administrative Ana e Malit, vijon të jetë e bllokuar rruga për të kaluar Obot, me automjete të ulëta. Për shkak i reshjeve të shumta ka dalë jashtë funksionit ujësjellësi i Oblika 1. Lidhur me këtë ditën e sotme autoritete e UKSH kanë bërë të mundur furnizimin me ujë të pijshëm banorët e fshatit Oblikë. Gjithashtu bashkia e shkodrës u bën thirrje banorëve të cilët rrezikohen nga përmbytja të marrin masa për sigurimin e gjësë së gjallë, prodhimeve bujqësore dhe pajiseve të ndryshme pasi mund të dëmtohen nga reshjet e shiut të cilat priten të përkeqësohen.
