Bleona arrin të tërheqë vëmendje në çdo dalje të saj ashtu si edhe me postimet në rrjetet sociale. Teksa shfaqet thuajse e zhveshur në pjesën e poshtme të trupit, duke vendosur vetëm një trëndafil në pjesën intime, këngëtarja na tregon se kjo është ajo çfarë ndodh me të në 2.30 të mëngjesit. Në fakt Bleona ndodhet në një nga plazhet e bukura në Malibu, ku me sa duket po xhiron një klip që do të dalë së shpejti.
Megjithatë të shumtë janë komentuesit e faqes së saj në instagram, të cilët nuk kanë mundur t’i rezistojnë tundimit të fotos, teksa e ngacmojnë për trëndafilin e vendosur në një zonë delikate. Mes të tjerëve shihet edhe komenti i aktorit Julian Deda, që e pyet se ku e ka mbjellë lulen, ndërkohë që Bleona nuk përton të shpjegojë se lulja është e ngjitur.
