Një mësues biologjie në Kosovë postoi në rrjetin social “TikTok” një video duke kërcyer valle popullore. Kjo u bë shkak që ai të binte pre e bullizmit në rrjetet sociale dhe të merrte ofendime e kërcënime të shumta.
Videot e tij tashmë janë bërë virale, e madje mësuesi ka rrezikuar edhe vendin e punës. Por në mbrojtje të mësuesit, i cili videot i ka bërë nga shtëpia e tij, i kanë dalë në mbrojtje shumë personazhe të njohur të ekranit.
Madje në rrjetet sociale tashmë është hapur sfida radhës, për të bërë video duke kërcyer valle popullore.
Ndërkohë në mbështetje të mësuesit ka dalë edhe këngëtarja e njohur, Dafina Zeqiri, e cila e ka ftuar të realizojnë bashkë një video. Ai ka pranuar dhe Dafina ka publikuar në rrjete sociale një video të tyre duke kërcyer valle.
Ndërkohë në një intervistë për KTV ai u shpreh mes lotësh: “Unë bëj çfarë dua në banesën time private! Detyrova vëllezërit e mi, njëri prej tyre që është drejtor shkencash, e i thashë nëse të pyesin se çfarë e ke Lulzim Pacajn thuaj e kam kushëri, mos i thuaj se e ke vëlla (Qan)! Është jeta ime private, unë do të vazhdoj që të vallëzoj valle kombëtare. Nuk kam linçuar askënd”.