Stilistja shqiptare, Nensi Dojaka, ka fituar çmimin prestigjioz të grupit LVMH (Louis Vuitton, Moet, Hennessy) për stilistët e rinj. Ceremonia u mbajt në Fondacionin Louis Vuitton dhe Dojaka u shpall fituese mes nëntë finalistëve. Ajo do të marrë çmimin prej 300 mijë euro dhe do të ketë si mentorë për një vit, një grup ekspertësh të LVMH.

27 vjeçarja Nensi Dojaka, jeton në Mbretërinë e Bashkuar dhe ka studiuar në Central Saint Martins në Londër. Ajo ka themeluar linjën e saj të veshjeve  “Nensi Dojaka“. Pak kohë më parë,  modelja e njohur, Bella Hadid, është shfaqur në ceremoninë e çmimeve MTV, me një veshje të stiluar nga Dojaka.

Ajo shpesh ka marrë vlerësime si një stiliste e re mjaft e talentuar dhe premtuese.

Cfarë është çmimi LVMH?

Ky çmim u krijua në vitin 2013 nga grupi LVMH dhe është i dedikuar për stilistët e rinj, që do të jenë yjet e së nesërmes në botën e modës. Çdo vit, çmimi u jepet stilistëve që spikasin për talentin dhe kreativitetin e tyre. /TPZ.al/