Pak ditë më parë, këngëtari i njohur shqiptar, Sabiani, vendosi të bënte një ndryshim ekstrem në pamje duke i lyer flokët në shumë ngjyra. Ndryshimi i këngëtarit habiti mjaft persona. Së fundmi, Sabiani është pyetur nga “Panorama Plus” se si u frymëzua për këtë pamje dhe ai ka thënë se kjo ishte kërkesa e vajzës së tij, Keisit. Këngëtari ka thënë se ka qenë Keisi ajo që i tregoi atij një foto të reperit 6ix9ine dhe Sabiani e kishte pëlqyer pamjen e tij.
“Të them të drejtën, as e njoh fare reperin 6ix9ine, por vajza ime Keisi më tregoi flokët e tij dhe më pëlqyen shumë. Çudi si s’më kishte shkuar ndërmend më parë. Është kaq gjë e thjeshtë dhe e bukur. Edhe pse për këtë ndryshim të ngjyrës m’u desh të shpenzoja 6 orë!”, tregoi Sabiani.
