Sot hyri në fuqi ligji për mbylljen e pikave të basteve sportive dhe kazinove elektronike, në të gjithë vendi Vendimi i qeverisë për të mbyllur më 31 dhjetor 2018, në të gjithë territorin e Shqipërisë, kazinotë elektronike, bastet sportive, sallat e bingove, bastet on line, bastet me gara në pistë, u miratua në fund të muajit tetor.
Në seancën plenare të Kuvendit u miratua ligji me 75 votat pro të mazhorancës, ndërsa opozita nuk mori pjesë në votim. “Qeveria ka gati një plan konkret për t’u ardhur në ndihmë të gjithë personave që mbeten pa punë pas mbylljes së “lojërave të fatit”, në mënyrë që ata të kualifikohen dhe të gjejnë një mundësi tjetër punësimi”, shkruan Atsh.
