Ministri Klosi, në postin e zv Presidentit të Asamblesë së Përgjithshme për Europën, drejton panele të rëndësishme për cështje, si: Heqja e vizave, turizmi i aventurës dhe zhvillimi i industrisë së turizmit sipas tendencave të tregut
Shqipëria prezanton ofertën e saj turistike në sesionin e 23-të të Asamblesë së Përgjithshme të Organizatës Botërore të Turizmit (UNWTO), në Shën Petersburg, mes 148 shteteve anëtare nga gjithë bota, ku ministri Klosi merr pjesë për herë të parë edhe si zv president i Asamblesë.
Shqipëria ngjitet për herë të parë në podiumin drejtues të Organizatës Botërore të Turizmit. Mbledhur në Shën Petersburg të Rusisë, Asambleja që po zhvillon punimet në ditën e saj të dytë, ka konfirmuar në postin e zevëndëvendës Presindetit të Asamblesë së Përgjithshme për Europën, ministrin e Turizmit dhe Mjedisit, Blendi Klosi. Kjo është hera e parë që Shqipëria mban një pozicion të tillë që prej anëtarësimit të saj në OBT, në vitin 1993.
Në podiumin drejtues të Asamblesë së organizatës me 148 shtete anëtare, Ministri Klosi drejton disa nga panelet e punimeve të organit më të lartë drejtues të Organizatës ku po diskutohen çështjet më të rëndësishme të industrisë turistike, si heqja e regjimit të vizave si shtysë për rritjen e turizmit, zhvillimi i tregjeve turistike, turizmi i natyrës, turizmi dhe edukimi profesional, si binome të pandara, si edhe tendencat e reja në zhvillimin e kësaj industrie.
