Shqiptarët e Kosovës nuk pyesin për pandeminë dhe mbushin Vlorën për të festuar ditën e Pavarësisë së Shqipërisë. Qytetarët shprehen se e kanë të pamundur që në një ditë të tillë të qëndrojnë në heshtje dhe larg Shqipërisë.
“Për një festë kaq të madhe siç është 28 nëntori ja vlen që ne të gjithë shqiptarët të jemi në vendin e flamurit në Vlorë”, është shprehur një qytetar nga Kosova. Sipas tyre nuk ka koronavirus që i ndal për të festuar ditën e Flamurit një ndër ngjarjet më të mëdha kombëtare për shqiptarët.
“Si çdo herë, Covid nuk mund të na ndalojë çështjen kombëtare dhe ditën e Flamurit. Unë vij thuajse çdo vit. Unë mendoj që komandatët që kanë qenë në luftë populli por gabimet që kanë bërë pas luftës i kanë individuale, ndaj dhe komandantët tonë duhet të përballen në gjyqin e Hagës”, është shprehur qytetari