Shqiptarët kapen në Portin e Barit me trupin e të afërmit në bagazhin e makinës

Ngjarje e rëndë e absurdit ka ndodhur në Portin e Barit në Itali, me protagonistë shqiptarët. Në një nga makinat që do të vendosej në traget, ishte trupi i një njeriu, që ishte vendosur në mjet sikur të ishte ndonjë mall. Trupi i tij i pajetë ishte llogaritur që të bënte linjën nga Bari drejt Shqipërisë, raportojnë mediat e vendit fqinj. Siç shkruhet në mediat në gjuhën italiane, për fat të mirë pas ngjarjes nuk fshihet ndonjë ngjarje kríminale. Thjesht, shqiptarët nga Kosova që kishin marrë trupin e pajetë nga Italia, po tentonin që ta dërgonin trupin që kishte ndërruar jetë për në Kosovë. Fatkeqësisht për ta, pas kontrolleve policore, u gjet trupi i pajetë në bagazh të automjetit, teksa mjeti po tentohej të hipej në traget. Ndaj dy shqiptarëve nga Kosova që tentuan të ngarkojnë kufomën në tragetin e linjës Bari–Durrës u mor masë administrative. Autoritetet italiane morën masa, dërguan trupin e pajetë të shqiptarit në morg dhe transporti i kufomës do të bëhet konform të gjitha ligjeve e rregullave.