11 pasuri të paktën duhet të vendosen nën sekuestro sipas një udhëzimi të dhënë nga SPAK në ditët e fundit. Në një dokument të siguruar dhe nga FaxWeb.al, shihet se mes pasurive që duhet të vendosen nën sekuestro është dhe mjeti BMW i Lulzim Berishës, i cili është i blinduar, si dhe resorti Golden, që është në pronësi të Hajrave.
Këta të fundit akuzohen se janë përfshirë në rrèmbimin dhe më pas vrásjen e Jan Prengës, ngjarje kjo e ndodhur në Janar të këtij viti, trupi i të cilit nuk është gjetur ende. Këto janë konfiskimet e para pas nisjes së OFL-së në fillim të këtij viti. Subjektet kanë minimalisht 6 muaj afat që gjatë gjykimit në GJKKO të sjellin prova, fatura, fakte ekspertiza ekonomike për të verifikuar pasurinë. Deri tani asnjë nga këto pasuri që kërkohet sekuestro nuk është justifikuar dot nga ana e personave që janë subjekt i ligjit special. Të gjitha këto pasuri do të kalojnë në pronësi të shtetit, ndërsa mbetet e paqartë sesi do të përdoren ato më pas.
